Davao City – Gipasigarbo sa Davao City Police Office (DCPO) ang ilang mga nahimong kalampusan sa tuig 2018.
Sumala ni DCPO spokesperson P/Sr. Insp. Ma. Teresita Gaspan nga ang pagkunhod og 65% sa ihap sa krimen sa dakbayan ang resulta sa epektibong programa sa kapulisan.
Matud ni Gaspan nga ang DCPO maoy giila nga Best City Police of the Year ug Best City Mobile Force niadtong 2017 ug ilang gidawat ang maong award karong tuiga.
Segun ni Gaspan nga nagbaha usab ang panalangin alang sa kapulisan Davao sa sunod-sunod nga nadawat nga mga patrol cars gikan sa mga langyaw nga stakeholders diin 26 ka Montero vehicles ang gihatag sa nasud Japan ug 12 ka elantra nga mga sakyanan ug 2 ka vans nga gikan sa South Korea, nga maoy gigamit aron mas pakusgan pa ang ilahang effort sa pagpatrolya sa syudad.
Mapasalamaton ang DCPO sa suportang gitunol sa lokal nga panggamhanan ug sa aktibong partisipasyon sa publiko sa kapulisan niini nagpabiling malinawon ang syudad.
RadyoMaN Aimee Guinita
