South Cotabato– Patay sa pagpamusil ang usa ka 28 anyos nga lalaki sa usa ka lodge nga nahimutang sa Suscano Street, Barangay Morales Gensan.
Giila ang biktima nga si Ian Mark Serue Adio, residente sa Tabudbod, Barangay News Dumangas, Tboli, South Cotabato.
Subay sa report sa Koronadal PNP nasayran nga adunay kaubanang babaye ang biktima dihang miabot sa maong lodge, samtang aduna kini kaestorya sa iyang cell phone, kalit miabot ang suspek nga naka-face mask.
Gikaingong nag estoryahanay pa ang biktima ug ang suspek apan human sa pipila ka gutlo siya gipusil sa suspetsado sa iyang nawong ug abaga nga hinungdan sa iyang kamatayon.
Paspas nga misibat ang suspek palayo sa lugar sakay sa motorsiklo. Sa karon ginasuta pa sa kapulisan ang motibo sa krimen ug ginasuta pa usab ang posibilidad nga kaila sa biktima ang suspetsado.
