Mukabat na sa 28 ka mga tulunghaan sa siyudad sa Malaybalay ang nagpahigayon ug sa limited face to face classes. Sa interview sa RMN ngadto kang Dr. Dindo Gabalez, ang education program supervisor gibutyag niini nga gisugdan ang pilot implementation sa Malaybalay niadtong Nobyembre 25 niaging tuig ang Luyungan National High School. Matud ni Gabalez nga gi-expand pa kini sa ubang tulunghaan karong bulana kung asa niadtong Marso 1 adunay 25 ka mga tulunghaan ang naghimo ug face to face classes ug nadugangan ug 2 ka kagahapon. Sigun ni Dr. Gabalez nga kasagarang skwelahan nga naghimo ug limited face to face classes mao kadtong nahimutang sa lagyo nga barangay nga wala nay kaso sa COVID-19. Nasayran nga usa sa indicator nga gitakdan sa DEPED aron ma-apil sa limited face to face classes nga wala nay kaso sa COVID-19 sa usa ka barangay. Gidugang pa sa DEPED nga lauman nga sa sunod nga mga adlaw lauman na nga madugangan pa ang mga tulunghaan nga makapahigayon sa limited face to face classes. Padayon usab daw ang pag-validate sa composite team nga gipangunahan sa Schools Division Superintendent aron e-evaluate ug e-validate ang pagpangandam sa mga tulunghaan.
Facebook Comments
