General Santos City—kritikal ang kondisyon sa usa ka 29 anyos nga lalaki human gidunggab sa wala pa mailhing suspek samtang kini mipalit ug sigarilyo gawas nga bahin sa Video-k bar nga nahimutang sa Barangay Fatima Gensan.
Biktima giilang si Jonifer Recania, 29, residenti sa Zone-10, Barangay Fatima Gensan. Alas 2:30 ang takna sa buntag samtang ang nahisgutang biktima anaa sulod sa Video-k bar sa maong lugar uban ang iyang amigo.
Migawas kini kadali aron sa pagpalit ug sigarilyo sa tindahan apan kalit kining giduol saw ala mailhing suspek dayon gidunggab duha ka higayon igo sa iyang dughan.
Paspas nga misibat ang suspek sa wala sayring lugar samtang ang biktima gidala gilayon sa mga nagpakabanang residenti sa Dr. Jorge Royeca Hospital. Sa kasamtangan padayon ang gihimong imbistigasyon kalabutan sa insidenti. (Jordan Britos)
