Katipunan, ZDN-Patay ang usa ka 29 anyos human kini naghikog kagahapong adlawa didto sa may Brgy. Uno, sakop sa lungsod sa Katipunan, ZDN.
Ang biktima mao si Leandro Vallejo Nieves, lumolopyo sa nahisgutan nga lugar. Nakit-an kini nga nagbitay ug wala na kini kinabuhi didto mismo sa iyang pinuy-anan 9:00AM kagahapong adlawa.
Sa resulta sa gihimong pag imbistiga sa kapulisan sa Katipunan matod pa ni Cristabel Nieves Martines mga 6:00AM sa susamang adlaw samtang padulong siya sa ilang balay gikan sa Simbahan, iyang nakit-an ang iyang pag-umangkon nga si Leandro nga nagkuha ug pisi nga nylon gikan sa iyang hinuktang manok. Pipila ka gutlo iya nalang nahiba-an nga ang pisi nga gikuha sa biktima mao kadto ang gigamit sa paghunos sa kinabuhi sa biktima nga gihikot sa iyang liog ug nagbitay sa kisami.
Dili lang mao kadto ang unang higayon nga misulay paghunos sa kinabuhi ang biktima tungod kay niadtong bulan sa Mayo ning tuiga misulay kini ug pakamatay gamit ang kutsilyo pinaagi sa paglaslas sa iyang pulso apan napugngan kini sa iyang amigo.
Base sa imposrmasyon nga nakuha gikan sa iyang pamilya, mga barkada ug saksi walay nakitang foul play sa maong insidente, sa pagkakaron ang patayng lawas sa biktima anaa na sa iyang pamilya alang pagpahimutang.
