DAVAO CITY, Philippines—29 ka mga taw’ ang nareport nga na-trapped human sa usa ka dakong sunog sa prime mall, New City Commercial Center (NCCC) Mall, diin nahimutang sa corner Maa ug MacArthur Highway.
Ang pag-ihap sa mga tawng’ na-trapped gibase sa kung pila kabuok pamilya ang nangita sa ilang mga anak, igsuon o parente nga nawala tungod kay nagtrabaho kini sa usa ka call center sod sa maong mall.
Nagsugod ang dakong sunog pasado mga 9:30 sa buntag, oras kung diin padong na untang mangabli ang NCCC Mall.
Si Senior Inspector Ma. Teresita Gaspan, the spokesperson of Davao City Police Office niingon nga ang sunog nagsugod sa third floor. “Particularly at the furniture section going to the fourth floor going to the SSI call center office”, matud ni Gaspan.
Nagconduct og search ug rescue operations ang mga bombero ug personnel gikan sa 911 Emergency Service sod sa mall hangtud gabie sa December 23, sa paglaum nga ma-rescue pa ang 29 kabuok empleyado nga natrapped sa fourth floor sa mall.
Pila ka oras sa dihang nahitabo na ang sunog, nakasalbar og unom ka kinabuhi ang mga rescuers, dugang ni Gaspan.
Daghan pud ang gidagan sa ospital tungod sa nagkadaiyang mga injuries: Reggen Ombain, 20; Jireh Duterte, 28; Ednard Gumela, 21; Dexter Gonzaga, 27; Ereneo Sabas Jr., 23; and Jose Banilad, 46.
Nibisita si Presidente Rodrigo Duterte gahapon sa Maa, Davao City para mahimamat ang mga pamilya sa 29 kabuok biktima sa sunog sa NCCC Mall.
Present pud si Davao City Archbishop Romulo Valles ug ubang mga pari ug mga madre alang sa paghalad ug mga pag-ampo sa mga natrapped nga mga empleyado.
Matud sa statement sa management sa NCCC mall, “It is unfortunate that we confirm that there was a fire at the 3rd floor of NCCC Mall Department Store. The BFP has the situation under control and we are still verifying the extent of the incident. We are currently coordinating with the authorities. However, there are no reported casualties.”
Niadtong Nobiyembre 2, 2017, si Sharlene Faye Lim, LTS Malls Inc. President, nianunsyo nga aduna silay plano nga i-renovate ang NCCC Mall sa Davao next year.
Dugang pa niya, “This is going to be a big project as there will be a total renovation and expansion.”
Ang uban nga empleyado nga nakadagan ug nasalbar sa sunog niingon sa mga reporters nga nidagan sila sa duha ka emergency exit nga pultahan pero ang usa ka pultahan kay di na maablihan tungod sa aso nga baga na kaayo.
Dugang pa nila nga wa na mogana ang sprinkler sod sa ilang office nga mao untay makatabang sa ilaha.
Sa pagkakaron, i-establish pa sa mga fire officials ang damage samtang nagpadayon pa ang rescue operations.
