BUSINESS TIPS | Kung anaay mag-sira, naa puy mag-abli

Mga idol! Kumusta? Ako idol maayo ug malipayon kay gimahal man ko sa Ginoo. Kamo sab? Syempre!

Karon adlawa atoang hilabtan ning init kaayo nga isyu mahitungod sa temporaryong pagpahunong sa atong presidente sa mga game numbers sama sa STL, peryahan ng Bayan ug Keno machines. Bisan pa man nabalik na ang lotto games apil na ang swertres.
Sa atong dakbayan kasamtangan gyud nga pinahunong una ni. Unsa man inyong mga reactions ani mga idol? Siguro ko nga ang uban ninyo kay nagpatad jud ani everyday sa pagpanimpad nga maswertehan intawon nga makadaug. Unsa naman lang makahatag ninyo ug kalipay ron mga idol nga na-closed man ni at the moment?

Unsaon man pod ning mga naglingkod sa mga opisina nga nagbinuang man pod kung tinuod man gani ni. Daghan jud nag nagsubo ani mga idol ug ako pod gamay kay nakatabang baya jud tawon ni sila sa katilingban ilabi na sa mga kabos natong mga igsoon.
Mao nga nangita ko ug mga paagi nga malingaw mo samtang closed pa ning inyong business nga naandan. Naa koy business proposals ninyo mga idol. Mao ni ang mosunod:


1. *Mag-garden mo mga idol*. Pananom mo ug mga utanon. Dali ra kaayo mutobo ang batong, paliya, ug okra. Makapamaligya ka ug mga presko kaayong mga utanon sa imong mga silingan. Makalingaw pajud ni nimo, magguna-guna ka, mamisbis ug mang abono. Di ba dili lang ka nagpuyo sa inyoha unya walay kita? Kini kay makakwarta ka ug dili na manginahanglan nga mamalit sa carbon.Sa amoa bitaw idol naa sad me garden sa mga utanon. Gamit kaayo ug organic pa. So, healthy.

2. *Magluto-luto mo mga idol*. Kini pwede Carenderia o kaha snacks. Halin kaayo ron ang mga bisayang mga snacks sama sa bananaque, kamoteque, bodbod, puto ug uban pa. Kabalo ko nga nag uban ninyo creative pod. Manuroy mo, dayon maka-meet pajud mo ug bag-ong mga friends.

3. *Pag-online business mo mga idol*. Mao na ni ang trend karon mga idol nga mamaligya through online. Dili lang mo magfacebook ug magsige ug duwa sa inyong cellphone but makapangkwarta pamo pinaagi ani. Daghan kaayog mga possibities nga mahalinan jud mo kay kong daghan kag friends sa FB dagahan chances nga mamalit sila nimo. Maikog man sad na ang uban ilabi na imong i-mention ilahang name nga mopalit na.

Manghinaut ko mga idol nga dili lang mo magpuyo ug magsige lang ug hulat nga maabrehan napod ning number games aron mo makakwarta. Dili idol oy. Kinahanglan molihok ug inyong i-divert ang inyong mind karon ug laing paagi asa mo malingaw ug maswertehan.

Salamat mga idol ug hinaut dili mo ma-depressed ani nga issue karon. Again, andam kong mudawat sa inyong mga comments ug reactions about sa atoang gihisgutan karon.

(Written by Sr. Alona Auditor, AB-English Student, University of Cebu-Main Campus and iFM Cebu-Intern)

Facebook Comments