29 ka mga centenarian sa South Cotabato padayon nga nagabaton sang P2, 000.00 nga cash incentives, 15 pa ginaproseso ang dokumento.

29 ka mga centenarian sa probinsya sang South Cotabato ang nagabaton subong sang tig P 2,000 nga cash incentive tagsa ka bulan. Ini ang ginpahayag ni Provincial Social Welfare and Development Officer (PSWDO) Haidee Agustin.
Suno kay Agustin nga ang nasambit nga mga centenarians na lamang ang nabilin sa 37 ka mga centenarians sang 2017 nga ginkilala sang provincial government kag nakabaton sang P 100,000 nga cash incentive halin sa national government kag P 20,000 halin sa provincial government.
Subong nga 2019, 15 ka mga endorsement ang nabaton sang PSWDO kag ginapakumpleto pa sa mga pamilya sang mga ini ang ila mga rekisitos agud maka-avail sang benepisyo.
Base sa provincial centenarian ordinance sang South Cotabato, ang mga naga-edad sang 100 years old pasaka ang makabaton man sang hospitalization kag burial assistance.