Ginkumpirmar ni City Environment and Natural Resources Office ukon CENRO head Engr. Noel Hechanova nga may oil spill sa baybayon sang barangay Sto. Ninio Sur, Arevalo.
Suno kay Hechanova nga base sa iya nabaton nga impormasyon, may halos duha ka kilometro ngha kalabaon sang oil spill ang nakit-an sa nasambit nga lugar kabangdanan gintinguhaan niya nga makig-angut sa Philipine Coast Guard agud mahimuan sang nagakaigo nga tikang agud mapunggan ang paglapta kag paglapad sang oil spill.
Samtang, ginpahayag naman ni Lt. Commander Rodolfo Dela Penia, Station Commander sang Coast Guard Iloilo Station nga naghiwat na sila sang imbestigasyon kag nagkuha sang sample ang ila Marine Environmental protection Unit agud mahibaluan kon diin naghalin kag kon ano nga klase sang oil ang nakita sa lugar.
