Maglantugi na ugmang adlawa ang mga banggiitang swimmers sa Cagayan de Oro City ug sa nagkadaiyang dapit sa Mindanao ug tibuok nasud. Kini atol sa 2nd Cagayan de Oro City PSL Swimming Competition karong Sabado, Marso 3, 2018 sa Kagay-an Lawndale Spring Resort ning syudad.
Gidapit nga motambong sa pagbukas sa seremonyas sa alas 7:00 ang takna sa buntag mismo si Mayor Oscar Moreno uban ang mga kadagkuan sa Philippine Swimming League, ubos sa ilang Chairman nga si kanhi Senadora Anna Dominique Coseteng ug PSL Presaident Susan Papa.
Matud pa ni Stephen “Pong” Dacoco, ang City Hall Focal Person nga mao kini ang ikaduhang higayon nga dinhi sa syudad matigayon ang PSL-Sanctioned Swimming competition human malampusong nag-host ang syudad sa PSL Leg series sa miaging tuig.
Aduna ka bay reaksyon sa maong estorya? Mamahimo nimong ipabuhagay sa comment box sa ubos ug pwedi sab nimong i-like ang iFM 99.1 Facebook Page “iFM CDO”.
Sources from: CIO
