Sa pamahayag ni Rey Bayo, ang Office-in-charge sa National Housing Authority (NHA)-Malaybalay City atol sa gipahigayong City Disaster Risk Reduction and Management Office (CDRRMO) Meeting, gisulti niini nga target nga maturn-over ngadto sa mga benipisyaryo ang 35,267 square meters nga relocation site diin napondohan og P2.5M karong tuiga.
Dugang pa niya nga na-award na ngadto sa 138 ka mga benipisyaryo dool sa Sawaga River ang 1st phase sa maong proyekto.
Sa pikas nga bahin, mulo usab sa mga residente sa Sitio Panamukan sa Barangay San Jose nga mas mapadali ang maong programa aron nga mahupay ilang kabalaka ilabi na sa panahon sa mga katalagman.
Maong panghinaut sa tanan, nga ma-award na sa mga benipisyaryo ang mga housing units panahon nga mahuman kini aron nga mapanghimuslan sa mga residente.
