2nd wave sang buhawi naglaslas sa syudad sang Bago, katorse ka balay ginhalitan.

18

Ginpahayag ni Punong Barangay Elvera Zulueta sang Brgy. Atipuluan syudad sang Bago sa interview sang DYHB nga kapin sa katorse (14) ka mga balay ang tigayon nga gin-guba sang buhawi sang ini ang naglaslas sa iya nga barangay kag tupad nga barangay sang Malingin sini nga hapon, Mayo 28.

Suno kay Kapitan Zulueta, nagtupa ang mabaskog nga ulan sa ila nga lugar kag ginsundan ini sang mabaskog nga hangin nga nag-agi sa lugar.


Sa record sang Bago City DRRMO, 12 ka mga balay ang naguba sa Purok Narra kag Tondo sa Barangay Malingin kag duha ka balay ang naguba sa Brgy. Atipuluan.

Sang tinalikdan nga adlaw, Mayo 26, kinse man ka balay ang naguba sang gin-agyan sang buhawi ang Barangay Ma-ao, Atipuluan kag Abuanan sa nasambit nga syudad.

[image: image.png]

Facebook Comments