General Santos City–Mukabat ngadto sa 3.4 million nga kantidad sa gituohang shabu ang nakumpiska sa naghinusang pwersa sa PDEA 12, PDEA ARMM, Cabacan MPS, ug kalasundalohan sa ilahang gipahigayun nga magkasunod nga buybust operation sa North Cotabato sa pagpanguna ni PDEA-12 Regional Director Naravy Doquiatan.
Unang nasikop ang usa ka Dwigth Togonon, 43, trabahante sa DSWD field office-12 alas 12:40 ang takna sa hapon sa Matalam Street, Barangay Poblacion, Kabacan, North Cotabato human nga napalitan kini ug usa ka sachet sa sha bu nga nag kantidad ug 500 ka pesos. Samtang nakuha man usab sa iyahang posisyon ang laing 3 ka mga sachet sa Shabu ug ang 500 pesos nga mark money.
Samtang alas 3:00 sa hapon nasikop usab sa PDEA-12 ug PDEA ARMM ingon man mga sakop sa 34th IB, Philippine army ang usa ka mag-uuma nga nailang si Boy Maguid residente sa Bitango, Datu Saudi, Ampatuan, Maguindanao sa Poblacion 6, Midsayap, North Cotabato.
Napalitan matud pa ug shabu ang nasangpit samtang nakuha usab sa iyahang posision ang mukabat ngadto sa 500 ka gramos nga gituohang shabu nga anaay kantidad nga 3.4 million ka pesos ug ang P1000,000.00 nga buddle money ingon man drug paraphernalia.
Sumala pa nga ang suspect ang gikunsiderang high value target tungod sa kadaghan sa droga nga nakuha ngadto kaniya ug naga lihokan matud pa kini sa area sa Maguindano ug North Cotabato.
Kasong pag supak sa RA 9165 sec 5 ug 11 sa art II kon pag pamaligya ug pag hupot ug iligal nga droga ingon man dugang kaso sa sec 12 kon paghupot ug drug paraphernalia batok ngadto kang Tugunon.
