3.5 milyon pesos nga shabu nakumpiskar sa buy bust

25

KAPIN SA 3.5 MILYON PESOS nga balor sang suspected shabu ang nakumpiskar sang sang mga otoridad sa ginpatigayon nga drug buy bust operation sang gintingob nga pwersa sang Silay kag Talisay PNP sa isa ka apartment sa Menlo Village III, Barangay Zone 10 syudad sang Talisay, Enero 22 sang hapon.

Ang mga suspek nga subject sa amo nga operation amo sanday Ma. Del Mar Parojinog, 22 anyos kag Joana Lusabia, 20 anyos. Nadakpan man sa amo nga apartment amo sanday Romel Ferrer, 25 anyos; Jason Parojinog, 19 anyos kag Homak Orquia, 27 anyos tanan pumuluyo sang Barangay Mambulac syudad sang Silay kag masubra pa gid lang isa ka semana nga nagarenta sa amo nga apartment.


Nakuha sa ila nga posisyon ang kapin sa 200 gramos nga ginapatihan shabu nga iga dispose kuntani sa bahin sang Talisay-Silay Area sang mga suspek.
Ang mga nagkaladakpan ang miyembro sang Divinagracia Drug Group nga naga-operate sa Northern Negros Occidental.

Samtang ginhangkat naman ni Negros Occidental Police Provincial Office chief Col. Romeo Baleros ang mga suspek nga itudlo ang ila nga lider nga si Michael Divinagracia kag nag offer ini sang 200 ka libo ka pesos sa sin-o man nga makatudlo sa ginatiniran ni Divinagracia.

Nagkari man sa amo nga drug buy bust si Silay Mayor Mark Golez kag ini ang nagpanawagan sa katapo sang Divinagracia Drug Group kag sa ila lider nga si Michael nga magsungka na sa otoridad.

[image: image.png]

Facebook Comments