General Santos City—Gibaharan ni Police Lt. Felix Minion, ang deputy Chief of Police sa Police Station 3 ang mga ioperator ug magpadula ug tolendoy nga sila kasuhan higayon nga madakpan.
Kini ang nahimong pahayag sa opisyal human nga aduna gihapoy m,ga nagapadula og nakaoperate ug Tolendoy ilawom sa ilang area of responsibility.
Nasayran nga niadtong nakalabayng adlaw, usa ka report ang ilang nadawat bahin sa usa ka unit nga tolendoy nga gibilin matud pa sa Rubie Compound, Barangay Lagao, Gensan, apan dihang ilang girespondihan kaha nalay nabilin ug wala na ang makina niini ingon man ang kwartang halin.
Tungod niini nanghimangno si Minion ngadto sa kinsa mang nagapadula gihapon ug Tolendoy nga undangan na kini tungod higayon sila madakpan, sila makasuhan bisan paman nga igo rang gibilin sa ilang tindahan ang tolendoy.
