Dali nga gidala sa balay tambalan ang usa ka bata human kini nabanggaan didto sa Brgy. Patawag, lungsod sa Liloy sakop ning atong probinsya sa Zamboanga del Norte niadtong nakalabayng adlaw mga alas 11:00 sa sayong kaudtohon.
Sa gihimong imbistigasyon sa kapulisan sa Liloy nasayran nga usa ka Mitsubishi canter ang aksidenteng mibangga sa 3 anyos nga bata, gimaneho kini ni Ronald Casicas Delejero.
Matod pa samtang naglawig ang maong sakyanan sa dalang nasyunal gikan sa lungsod sa Labason padulong sa lungsod sa Liloy kalit lang matod pa mitabok ang bata sa maong dalan.
Nakaangkon ug mga pangos ang bata lakip na usab ang ulo niini, aron maluwas ang maong bata gikan sa pagkaangol dali kining gidala sa pinakaduol nga district hospital alang sa hinanaling medikasyon.
Ang drayber lakip na ang gimaneho niini nga Mitsubishi canter anaa na karon natanggong sa Liloy MPS alang sa dugang imbistigasyon.
