Barangay Milibili, nagpangibabaw sa Search for Barangay Excell Awards 2017

Roxas City, Capiz – Nagpangibabaw ang Barangay Milibili sa ginpatigayon nga awarding ceremony para sa Search for Barangay Excell Awards 2017 sang DILG Roxas nga ginhiwat sa El Circulo Convention Center, Pueblo de Panay, Barangay Lawaan, Roxas City.
Nakuha sang nasambit nga barangay ang kampeonato sSearch for Barangay Excell Awards 2017 kun sa diin magabaton ini P30, 000 kag 2 milyones pesos nga balor sang proyekto para sa ila nga barangay nga igahatag sang syudad.
Nagpangaduha pwesto ang Barangay Cagay, magabaton man ini sang P20, 000 kag proyekto nga nagabalor sang 1.5 milyones pesos.
Samtang, P10, 000 kag isa ka milyon ka pesos nga balor sang proyekto ang mabaton man sang Barangay 2 nga yara sa ikatatlo nga pwesto.
Yari ang dugang nga barangay nga nakasulod sa top 12:
4. Barangay 10 5. Baybay 6. Banica 7. Barangay 9 8. Barra 9. Tiza 10. San Jose 11. Lonoy 12. Dinginan.
Magluwas sa top 12, magabaton man sang tag P5,000 ang lima ka mga barangay nga nakakuha sang minor awards.
Yari ang mga barangay nga nakakuha sang minor awards:
Milibili – Best Economic Development Award
Barangay 2 – Best Governance Award
Baybay – Best Social Services Award
Cagay – Best Environment Management Award
Barangay 10 – Best Administration Award
Photo credit to Radyoman Jessie Llegue Mendoza

Facebook Comments