Davao City – Gituhuan nga kakuwang sa pagbantay ug pagpabaya sa mga ginikanan ang hinungdan nga nakabsan sa kinabuhi ang usa ka bata human naligsan sa usa ka pribadong sakyanan alas 4:15 sa kaadlawon sa JP Laurel ave, ning dakbayan.
Basi sa blotter kapulisan sa Sta Ana, naila ang biktima nga usa ka Sarah Amani, 3 anyos taga Isla Verde Brgy. 23-C ning siyudad samtang ang driver nga nakaligis giila nga si Sotero Nierra, 55 anyos nagpuyo sa Lot 20 NHA, Buhangin Davao City.
Basi sa inbistigasyon sa kapulisan, matud pa, samtang nagmanihu kining driver padulong sa Bajada gikan sa usa ka parking area apan iyang nakamatikdan sa walang front tire sa iyang sakyanan nga duna siyay naligsan ug dihang iyang gisusi ang ilawom, usa ka bata ang naghigda sa carton.
Nagtuo ang kapulisan nga gibilin sa ginikanan ang maong bata hinungdan nga diha natulog sa karsada.
Ang biktima daling gidala sa driver sa Southern Philippine Medical Center apan gidiklara sa attending physician nga dead on arrival samtang ang driver anaa na sa kustodiya sa kapulisan samtang gihuwat pa ang pamilya sa biktima kung mupasaka ug kaso batok sa driver.
RadyoMan Don Pulayao
