Roxas City, Capiz- Magapangatubang sang kaso nga pagbayolar sa RA 9165 ukon Comprehensive Dangerous Drugs Act of 2002 ang duha ka mga persona sa ginkasa nga buy bust operation sang mga katapo sang Provincial Drug Enforcement Unit sang Capiz PPO sa Pueblo de Panay sakop sang Barangay Lawaan syudad sang Roxas.
Ang mga subject person ang ginkilala kanday Johann Patrick Bonete y Dequiña, 39-anyos ang pang-edaron sang Brgy. Dayao kag Jingle Potato y Victoriano, 42-anyos sang Poblacion, Mambusao, Capiz nga isa ka drug surrenderer.
Natigayon nga marekober sa mga ini ang kabug-osan nga apat ka sachet nga may unod nga suspected shabu, buy bust money nga P1,000 pesos, ligther, sigarilyo kag itom nga pouch.
Suno kay Police Senior Inspector Hilbert Gervero sang PDEU, base sa monitoring nagapatigayon sang pagtulak sang ilegal nga druga ang amu nga mga persona rasun nga ang mga ini ang ginpaidalom sa anti-drug operation.
Ginabanta nagabalor sang P20, 000 pesos ang narekober nga items sa mga subject person.
