Davao City – Nagpadayon karon ang gipahigayong contact tracing sa tulo (3) ka mga pasyente nga naigo sa Coronavirus Disease 2019 (COVID-19) Delta variant sa syudad sa Davao.
Matud ni Davao City Mayor Sara Duterte-Carpio (sa interbyu sa city-owned radio) nga nakarekober na ang 3 ka mga pasyente nga walay history of travel ang nahisgutan.
“Kana lang mga nadawat nato nga data sa Delta variant, we have three (3) and all of them have been tagged recovered since dugay mubalik ang results sa sequencing,” segun sa alkalde.
Sa pagkakaron, aduna usay gihimong reinvestigation sa contacts sa mga pasyente ug re-examine sa pagsubay sa ilang nakauban ug nahimamat.
Kanunay’ng gipahinumdom ang pagsunod sa minimum public health standards ug kini padayong ipatuman batok sa unsa mang variants sa COVID-19, sama sa pagsuot og face mask, face shield, social distancing, ug paggawas sa balay kung aduna lamay importanteng lakaw.
RadyoMaN Kirby Manzon
