ESCALANTE CITY, NEGROS OCCIDENTAL – Tatlo nadakpan sa kaso nga illegal possession of firearms sa ginpatigayon nga entrapment operation las 7 kagab-i sa Purok Azucena, Brgy. Old Poblacion, ciudad sang Escalante.
Nakilala ang mga nadakpan nga amo sandsay Leslie Lamayo, 49 anyos, kasaod kag residente sang amo nga lugar, Rollie Jaena, 49, pumuluyo sang Brgy. Andres Bonifacio, Sagay City kag si Luzvimin Bautista, 55, residente sang Brgy. Aquino, Canlaon City.
Sa amo nga entrapment nga ginpatigayon sang Escalante City Police Station, na-recover halin sa possession sang mga suspek ang 1 ka KG-9 calibre, 9mm, isa ka calibre 22 nga rifle, isa ka calibre .45, duha ka magazine sang 9mm, magazine sang calibre 22 kag calibre 45.
Kalakip sa nakuha sa mga suspek ang mga live ammunitions sang calibre 22 kag .45 calibre, holster kag 2 ka silencer.
Sa karon detained na sa custodial facility sang Esalante City Police Station ang tatlo ka mga nagkaladakpan./dyHB BACOLOD
