BACOLOD CITY – Masobra sa 11 mil pesos ang nadula sa isa ka dalaga matapos nga ini siya ang nabiktima sang pickpocket may mga las 3:15 kahapon sang hapon sa downtown area, dalan Gatuslao, ciudad sang Bacolod.
Nakilala ang biktima nga si Jhae Star Villanueva, 22 anyos ang edad, residente sang Bangga Cory, Brgy. Taculing, Bacolod City.
Suno sa biktima nga samtang nga ini siya ang nagalakat sa downtown, sa atubang sang isa ka daku nga mall, iya na lamang nadiskubrehan nga bukas na ang iya shoulder bag.
Pahayag ni Villanueva nga sang iya gin-check, wala na ang iya wallet nga may unod kapin P11,600 pesos.
Bangud sini, dali-dali nga nagpadulong sa Police Station 1 ang biktima agud ipa-record ang natabo sa iya./dyHB BACOLOD
Facebook Comments
