Davao City – Magsugod na ang operation sa tulo sa walo ka mga dugang police stations dinhi sa dakbayan sa Davao sa katapusan sa Oktobre ning tuiga.
Gibutyag ni Davao City Police Office (DCPO) City Director Police Col. Kirby John Kraft atol sa interview sa DXDC RMN Davao nga ang matag istasyon adunay 60 ka mga personahe nga gikan sa Police Regional Office XI.
“Ang maauna itong tatlo lang kasi ito pa lang ang may structure, may building na pweding gawing pansamantalang police stations. Although may uunahing apat na buildings si Ma’am na inaano na ng City Engineer’s Office so siguro by next year operational na iyon,” sumala ni Kraft.
Ang dugang istasyon mao ang Police Stations 13 (Mandug), 16 (Ecoland) ug 18 (Baliok), samtang ang laing lima under construction pa nga mao ang Police Station Bajada, Torres, Ma-a, Catigan sa Toril District ug Los Amigos, Tugbok District.
Gikonsiderang Class A ang DCPO nga gi-require sa National Headquarters-Philippine National Police ilawom sa General Orders No. DPL-18-25 nga kinihanglang aduna 20 ka police stations.
RadyoMan Aimee Guinita
