South Cotabato—Sikop sa Operatriba sa kapulisana ng tulo ka mga personahe atol sa gihimong operasyon batok sa suspek matud pa sa pagpatay sa usa ka pulis sa may Purok 1, Barangay Palian Tupi, South Cotabato kagahapon sa kaadlawon.
Mga target sa operasyon giilang silang si Arapat Bulacon ug Mohamad Bulacon kansa may mga standing warrant of Arrest sa kasong Murder gumikan matud pa sa pagpatay sa pulis nga si PO1 Achilles Tablazon niadotng Setyembre 16 apan pakyas ang awtoridad nga masikop ang mga nasangpit.
Nasikop hinuon ang mga suspek nga silang si Akmad ug duha niini ka mga kaubanan nga silang si Muktar ug Zandro Bulacon.
Narekober gikan sa mga suspek ang backpack nga may dunay sulod nga ISIS -flag, blasting caps, ammonium nitrate, mga bala, fragmentation grenade, 3 rifle grenade ingon man duha ka motorsiklo.
Sa karon nagpabilin sa kostudiya sa Tupi Municipal Police Station ang tulo ka mga suspek samtang gikatakda usab silang pasakaan ug kaso.
