General Santos City—Angol ang tulo ka mga lalaki human nga gidunggab sa usa ka suspek sulod sa usa ka imnanan sa may barangay San Isidro, Gensan.
Giila ang mga biktima nga silang si Bobby Balsomo, 21, residenti sa Purok Malipayon, Barangay San Isidro; Esmael Estrada, 21, residenti sa Purok New Bohol, Barangay Calumpang ug Alias Daniel, 17, residenti sa Purok Bayanihan, Barangay San Isidro.
Subay sa inisyal nga imbistigasyon sa kapulisan nasuta nga samtang anaa sa usa ka imnanan ang tulo ka mga biktima, gibastos matud pa sa suspek nga si Gilbert Labtao, 31, Electrician, residenti sa Purok 14, Barangay katangawan, Gensan ang mga kaubanang babaye sa mga biktima.
Inay mupatuo, nasuko na noon ang suspek, mibunlot kini ug kutsilyo dayon gidunggab ang biktima.
Parehong nakaangkon ug samad sa lawas ang mga nasangpit kansa gipangdala sa usa ka pribadong ospital sa syudad.
Malampuson man usab nga nasikop ang suspetsado ug balhog na karon sa silda sa Police Station 4.
