3 in 1 / Tulo ka wanted persons, gisikop sulod lamang sa usa ka adlaw

414
PC: Police Supt. Ariel Philip Pontillas

Tulo ka wanted persons ang gisikop sa kapulisan sa Gingoog City sulod lamang sa usa ka adlaw.

 

Unang gisikop sa Barangay 23, Gingoog City mga alas 11:20 kagahapon sa buntag ang wanted sa kasong pagpangawat nga si Rocky Busig.

 

Ikaduhang nasikop sa Barangay Anakan, Gingoog City mga alas 4 sa hapon ang wanted sa kasong carnapping.

 

Kini mao si Stephen Loquero Caña nga temporaryong makagawas kung makapiyansa og 300-mil pesos.

 

Ikatulong nasikop mga alas otso kagabii sa Barangay Bayanihan, Butuan City ang usa ka maestro nga wanted sa kasong 4 counts sa Acts of Lasciviousness in relation to Republic Act 7610 o Law Against Child Abuse.

 

Kini mao ang 51 anyos nga si Joselito C. Asilo, minyo ug taga Purok 1, Barangay 24-A, Gingoog City.

Facebook Comments