Glan Sarangani Province—Pabilin pa karon sa kustudiya sa Glan Municipal Police Station ang tulo ka mga Indonesian National nga una nang gihold sa otoridad niadtong Sabado.
Giila ni PCI Neil wadingan, hepe sa Glan PNP Ang maong mga Indonesian national nga silang si Janis Mangali, 23 anyos , Jeck Laune, 55 anyos, ug Michael Manahampi, 39 anyos.
Una nang nakadawat ug report ang Glan PNP gikan sa mga residenti sa Prk. Eusteque, Barangay Small Margus Glan, Sarangani Province nga adunay presensya sa mga Indonesian national sa maong lugar.
Dugang pagbutyag ni PCI wadingan nga walay dukumentong gipresentar ang mga nahisgutan ngadto kanila sa ilang pag sulod sa Glan Sarangani Province.
Tungod niini sila gipangsikop ug ilang gikustudiya.
Gilayon usab silang nakig-alayon ngadto sa buhatan sa Bureau of Immigration bahin sa nahold nga mga Indonesian national.
Nasuta sa inisyal nga imbistigasyon nga igo rang giimbitahan ang mga nahisgutan sa Glan aron unta muselebrar ug Sarangani Bay festival ang problema kay wala silay gihuptang mga dukuemento.
Illegal entry maoy atubangon sa tulo ka mga Indonesian national kini ang dugang pahayag ni PCI Neil Wadingan.
Apan ilang gitugyan ang paghatag ug desisyon ngadto sa buhatan sa Bureau of Immigration.
Kagahapong adlawa mibisita sa Glan ang Vice consul General sa nasud Indonesia aron sayron ang sitwasyon sa tulo ka mga Indonesian national nga gi-hold sa kapulisan.
