3 KA 5TH DISTRICT MAYORS GINATUDLO ANG ISA KA ALKALDE SA LIKOD SANG TERORISMO

2034

MOISES PADILLA, NEGROS OCCIDENTAL – Gintumod sang tatlo ka mga alkalde sa ika-lima nga distrito sang Negros Occidental ang isa pa ka alkalde nga amo ang sa likod sa pagsabwag sang terorismo sa ila tagsa ka mga munisipalidad.

Kahapon isa ka press conference ang ginpatigayon sa atubang mismo sang haya sang ginpatay nga si Mark Garcia, utod ni Moises Padilla Vice Mayor Ella Garcia Yulo sa ila ancestral house sa amo nga banwa.


Ini ang gintambungan nanday La Castellana Mayor Rhumyla Manguilimutan, Isabela Mayor Joselito Malabor kag ni Mayor Ella Garcia Yulo.

Diri ginpahayag ni Garcia-Yulo nga ila pagahingyuon kay Pres. Rodrigo Duterte nga buligan sila sa pag-angkon sang hustisya sa pagtiro patay sa iya utod nga si Mark kag sa iya hinablos nga si Coun. Michael Garcia.

Suno kay Garcia nga luyag man nila pangabayon ang presidente nga butangan na sang kalinong ang ila banwa para ma-untat na ang kakugmat sang mga pumuluyo.

Sa iya bahin, gin-ako ni La Castellana Mayor Rhumyla nga nakahibalo siya nga madugay naman siya nga gina-target gani iya ginahangkat ang mga suspek nga magsungka nga mag-gwa na kag magsungka.

Samtang, ginahingyo naman ni Isabela Mayor Malabor nga i-relieve sa pwesto si 303rd Army Brigade commander Brig. Gen. Benedict Arevalo kag Lt. Col. Egberto Dacoscos.

Pashayag ni Mayor Malabor ini bangud man sang ila kapabayaan kag pagka-bias durante natabo ang pag-ambush sa mag-tiyo nga Garcia nga nagtuga sang ila kamatayon.

Facebook Comments

From Advertisers