Tulo ka mga armadong lalaki nga gitohoang mga sakop sa New People`s Army gikan sa Ayungon sa Negros Oriental ang nadakpan sa lungsod sa Badian .
Matud ni Police Regional Office-7 chief , Police Brigidaire General Debold Sinas ang tulo nga nadakpan namatikdan sa mga sakop sa Barangay Intelligence Network nga nisakay ug bangka ug niabot sa lungsod .
Ang usa nailhan nga usa ka Nerie Boy Banggala nga gikaingkuwentro sa kapolisan didto sa Ayungon apan kini nakaiskapo .
Tungod niini gimando dayon ang pagpangita sa tulo ug nadakpan gyud sa kapolisan sa Badian .
Si Sinas nimando usab sa kapolisan sa lalawigan sa Sugbu nga mag-alerto sa pagbantay sa posibilidad nga motabok sa Sugbu ang mga NPA gikan sa Negros Oriental.
Facebook Comments
