General Santos City—samdan nga gipangdala sa Dr. Jorge Royeca Hospital ang tulo ka mga batan-on human gipangdunggab sa grupo sa Children in Conflict with the Law (CICL) o mas nailhan sa tawag nga “BATANG SUKARAP” sa may Purok 2, Barangay Olympog, Gensan.
Mga biktima giilang silang si Fernando Pascual, 18, John Rey Pascual, 19 ug minor de edad nga si John Reynald, 16, pulos residenti sa Purok 2, Barangay Olympog,Gensan.
Basi sa imbistigasyon sa Police Station 4 nasayran nga alas 11:00 ang takna sa gabie kagahapong adlawa dihang nag inum ang mga nasangpit sa ilang lugar, dihang pauli na unta ang mga nahisgutan sila giatngan sa grupo sa mga Batang Sukarap.
Gipangdunggab ang mga nahisgutan gamit ang ice pick, dihang nabulabog ang lugar, paspas nga nanibat ang mga suspek samtang ang mga biktima gipangdala sa Dr. Jorge Royeca Hospital.
Sa karon nagpadayon ang gihimong imbistigasyon sa kaso ug padayon pang ginaila ang mga batan-ong suspek sa krimen.
