3 ka bulang buntis, patay human nabalintong ang motorsiklong gisakyan

85

General Santos City—patay ang usa ka ginang nga 3 ka bulang mabdos human nga natumba ang motorsiklong gisakyan niini nga gimanihuan sa iyang kapuyo sa may diversion road ning dakbayan sa Gensan.

Ang biktima nailhang si Daisy Delos Santos Wata, 30, residenti sa Sitio Toning, Part-2, Barangay Lagao Gensan.

Sa inisyal nga imbistigasyon sa Traffic Management Unit nasayran nga Sabado sa gabie, August 5, 2017, dihang sakay ang biktima sa motorsiklong usa ka Kawasaki nga gimanihuan sa live-in partner sa biktima nga si John Mark Dandoy Bolingit nga taga Prk. Kaunlaran, Barangay City Hieghts, Gensan.

Pag-abot sa diversion road, kalit lang nga nawad-an ug control ang driver sa iyang motorsiklo nga misangko ngadot sa pagbalintong sa mga nahisgutan. nakaigo ang biktima sa semento nga miresulta sa pagkaangkon niini ug seryosong samad sa nagkandaiyang parti sakalawasan.

Alas 10:00 sa buntag, Adlawng Domingo, August 6, dihang nakabsan sa iyang kinabuhi ang nasangpit nga biktima sa Mindanao Medical Center human nga wala na makaagwanta sa samad nga naangkon niini.

Hilabihang pagmahay ang gibati ni Bolingit human nakabsan ug kinabuhi ang iyang kapuyo apan wala na syay mahimo tungod disgrasya man gyud ang nahitabo.

Facebook Comments