Sa interview sa DXDC RMN Davao kang Fire Chief Inspector Allan Padillo, City Fire Marshal sa Bureau of Fire Protection (BFP)-IGaCoS, iyang gibutyag nga electrical-related ang ilang ginatan-aw nga rason sa pagkasunog sa duha ka classrooms sa Grade 3 ug 1 ka classroom sa Grade 5 nga adunay mga electric fan, TV set, laptop, extension wire ug outlet.
Matud ni Padillo nga posibleng gamiton nga presinto ang maong classrooms sa Barangay ug Sangguniang Kabataan Elections (BSKE) sa Oktubre 30, 2023. Hinuon, aduna pay daghang classrooms nga magamit sa piniliay.
Pahimangno sa BFP official sa publiko nga seguradohong luwas sa peligro ang mga gamit sulod sa eskwelahan, establisemento ilabi na gyud sa matag panimalay aron malikayan ang susamang insidente.
“Part of the safety campaigns of the Bureau of Fire Protection here in Samal is we are encouraging everyone nga kung pwede naa tay regular check-up sa atoang mga electrical installation, most likely semestral or periodic,” panawagan ni Padillo.
RadyoMaN Kirby Manzon
