General Santos City–Malampusong nasikop sa hiniusang pwersa sa police station 6, RID 12, Regional Special Operation Group ug City Intelligence Branch ang tulo ka gika-ingong ahente sa munificence ministry nga nagpapay-in diin gihimo ang operasyon sa usa ka mall ning syudad alas 4:00 ang takna sa hapon.
Giila ni Police Major Tirso Pascual ang Hepe Sa Police Station 6 ang mga suspect nga silang Pastora Delia Calambro, 47, Pastor Rolly Sinag, 52 anyos, nga parehong nanimuyo sa Mateo Road, Brgy Lagao, ug ang usa ka negosyante nga si Anthony Maligad, residenti sa Matina Davao City.
Sumala pa nga gi-ingganyo matud pa sa mga nahisgutan ang mga biktimang sila Ramdam Adam, 22 anyos ug Nasser Datukan, 31 anyos, Residenti ning syudad, hinungdan nga nagpatabang kini sa kapulisan.
Dinhi na gihimo ang plano alang sa entrapment operation diin nagtagbo ang mga nasampit sa usa ka Coffee Shop nga nahimutang sa usa ka dakong mall ning dakbayan.
Pagdawat sa mga suspect sa boodle money gilayon silang gisikop sa kapulisan.
Sa kasamtangan giandam na sa Police Station 6 ang kasong estafa batok sa mga nasangpit human nga una nang nakuhaan ug affidavit ang duha ka mga reklamante.
Gipaklaro sab ni Major Pascual nga sila nanawagan na sa mga taga Gensan ug kasigpit nga lugar nga biktima sa Investment Scam hilabi na sa Munificence nga mahidangat lang sa ilang buhatan ug sutaon kung angmga dinakpan maoy namiktima ngadto kanila. (Dave Silagan)
