Naghatag sa tulo ka mahinungdanon butang si Senator Sherwin Gatchalian, kalabot sa bag-ong pirmang Tax Reform for Acceleration and Inclusion (TRAIN) ni pang Rodrigo Duterte.
Sa interview sa RMN Malaybalay ngadto kang Gatchalian, gibutyag niini nga kadtong mukita ug 250,000 kada tuig, libre na ug wala nay bayran nga tax. Apil na matud pa dinhi kadtong mga minimum wage earner.
Matud usab sa senador nga dakong bentaha usab kini sa mga gagmay nga negosyante tungod kay simple ug sayon na lang ang pagbayad sa buhis gumikan kay kausa na lang ang filing para sa taxes, dili susama karon nga komplikado kaayo ang pagbayad.
Dugang pa niini nga bisan ug adunay pagtaas sa gasoline ug diesel aduna usab kini gitawag nga “reprieve” aron dili bug-at ang pagtaas sa gasolina.
