Davao City – Luwas nga na-rescue ang tulo ka mga mananagat human naguba ang ilang bangka sa Davao Gulf niadtong Domingo (Agosto 28, 2022).
Sa report sa Philippine Coast Guard Station Davao, gipangunahan ang rescue operation sa 811th Auxiliary Squadron human nadawat ang nahisgutang report.
Ang mga na-rescue mao sila Jun Mahinay, 52 anyos, Efren Bello, 35 anyos ug Jason Modelo, 30 anyos, pulos residente sa Purok Sto. Nino, Barangay Centro, Agdao District, Davao City.
Gilayong girespondehan sa grupo ang maong panghitabo ug gidala ang tulo ka indibidwal sa pinakaduol nga baybay lakip na ang ilang bangka, fish net ug uban pang kagamitang pandagat.
Nagpasalamat usab ang mga Davaoeños nga luwas nga na-rescue ang nahisgutan.
RadyoMaN Kirby Manzon
Facebook Comments
