Suspek sa pagpatay sa beautician niadtong 2016 nadakpan na sa kapulisan

49
Davao City- Arestado sa kapulisan sa San Pedro ang Region XI Top 3 Most Wanted Person sa gilusad nga Simultaneous Anti Crime and Law Enforcement Operation nga adunay kasong murder.

Giila ang suspek nga si SAMSAM ARAB MALAWI, 26 anyos, Warehouseman nga taga Bryco Bankerohan Brgy 5-A.

Sumala ni Police Major Romeo Mapanao Jr., human sa unom ka tuig sukad sa krimen, malampusong nadakpan ang suspek pinasikad sa warrant of arrest sa kasong murder nga gipagula ni HON GLENN DE CASTRO AQUINO niadtong 2018 sa kasong MURDER nga walay girekomendar nga piyansa.

Gibutyag ni Mapanao, usa ang suspek sa mga gitudlong nipusil gamit ang sumpak punterya sa ulo sa biktima nga usa ka beautician nga Marlon Apale Fernin niadong 2016 sa likod sa Fortuna Supermarket, Barangay 5-A Bankerohan, siyudad sa Davao.

Nagbaktas ang biktima sa maong lugar dihang kalit lang niabot ang suspek uban ang laing duha pa ka mga lalaki ug gipusil ang biktima.

Gipaslak na ang suspek sa custodial facility sa San Pedro Police Station.



RadyoMaN Aimee Guinita

Facebook Comments