Patay ang tatlo ka mga ginaaligar miyembro sang terorista nga grupo sa South Cotabato sa nagluntad suno pa nga engkwentro sang gintingob nga pwersa sang militar kag PNP sa Polomolok, South Cotabato sang Disyembre 20,2020.
Base sa report sang 5th Special Forces Battalion kag Polomolok Municipal Police Station magaserbi kuntani sila sang warrant of arrest sa kaso nga murder batok kay Tho Catucan sa Purok 1, Barangay Sumbakil, Polomolok sang tiruhon sila sang subject personality kag mga kaupdanan sini, suno kay Lt. Gen. Corleto Vinluan, Jr., Commander sang Western Mindanao Command.
May-angot sini, suno kay Lt. Gen. Vinluan nagluntad ang engkwentro sa tunga sang duha ka grupo kabangdanan sang pag-angkon sang igo sang bala ni Catucan kag duha sini ka mga kaupdanan nga ginkilala kanday Jer Maguisulan kag Rabino Manalasal Kutin. Gindala naman ang mga ini sa Polomolok Municipal Hospital apang gindeklarar nga dead on arrival sang attending physician
Samtang pilason naman ang duha ka mga guides sang operating troops, apang ginakasubo nila suno kay Lt. Col. Randy Banaag, Commanding Officer sang 5th Special Forces Battalion nga gindeklarar ini nga DOA sang attending physician kag ang isa ang padayon naman nga ginapaidalom sa medikasyon kag yara na sa maayo nga kondisyon.
Narekober naman sa encounter site ang Caliber 45 Pistol kag 1 ka 9MM UZI Sub-Machine Pistol.
Samtang suno naman kay Joint Task Force Central Commander Maj. Gen. Juvymax Uy nga ang nasambit nga panghinabo ang magaserbi nga warning sa terorista nga grupo kag iban pa nga lawless elements nga ang pagbato sa security forces ang makapalala lang sang sitwasyon.
