SYUDAD sang Iloilo – Ginpasakaan sang kaso sang Task Force on Moral and Values Formation (TFMVF) ang tatlo ka mga ginikanan sang mga minor de edad nga masami nagalapas sang curfew for minor ordinance.
Ini nga record nagasakop sang January tubtob March 21 nga period.
Suno kay Task Force head Mr. Jorge Duron, dapat ipatuman sang mga ginikanan ang parental authority sa ila mga kabataan agud malayo ang posibilidad nga maghimo sang mga illegal nga bagay ang ila mga anak.
Sadtong 2018 may 1,008 ka minors nga narescue sa pagpatuman sang curfew.
Ginalakipan ini sang 636 ka lalake kag 372 ka babaye.
Mas manubo ini sa 1,363 nga narescue sadtong 2017.
Sa idalum sang ordinansa ang mga ghinikanan nga mapamatud-an nga nagpatumbaya sang ila kabataan nga nagresulta sang makapila ka beses nga pagkarescue sang ila anak may salabton sa kasuguan.
Mahimo sila mapriso sang 30 kla adlaw tubtob anom ka bulan.
Ang ordinansa nagadumili sa mga minors nga maglagaw sugod alas 10 sang gab-e tubtob alas 4 sang kaagahon sa masunod nga adlaw.//via Joel Franco reports
Photo from web
