Davao City – Mamahimong makasuhan og negligence ang tulo ka mga kapitan sa Compostela Valley Province kinsa walay suporta sa programa sa gobyerno kontra droga ilawon sa Barangay Anti Drug Abuse Council (BADAC).
Sa interbyu sa Rmn Davao kang ComVal Police Provincial Director Pssupt. Marvin Pepino gipaabot na nila ang report ngadto sa Police Regional Office XI ug Department of Interior and Local Government kalabot sa wala pagpartisipar sa pipila ka mga barangay sa mga programa sa gobyerno kontra sa iligal nga droga.
Base sa impormasyon gikan sa PRO XI ang Barangay Camanlangan, Barangay Tandawa ug Barangay Batinao sa Munisipalidad sa New Bataan, Compostela Valley pulos walay mga programa ug wala galihok ang BADAC.
Sumala ni Pepino padayon nilang gipahimangnuan ang mga kapitan sa nasangpit nga mga barangays ug ginasuta kung unsa ang hinungdan nganong dili sila aktibo sa BADAC.
Gibatbat ni Pepino kung mamahimo dili nalang magpa re-elect karong piniliay ang mga opisyal kung dili man lamang niini suportado ang programa sa gobyerno kinsa labing maapektuhan ang ilang mga constituents.
RadyoMaN Aimee Guinita
