*Tulo ka mga mananagat ang nadakpan human masakpan sa akto nga nanguha og endangered green sea turtle kon pawikan sa kadagatan sa Caohagan Olango Island Lapulapu City.*
*Ang tulo ka mga suspek taga Sitio Puntod Alaskam Mambaling Cebu City.*
*Matud ni Police Col. Genaro sapiera , hepe sa Regional Maritime Unit RMU-7 nga patay na ang pawikan nga naabtan sa 701st Maritime Police Station ug Criminal Investigation and detection Group Cebu province sa dihang gipahigayun ang Seaborne Patrol Operation sa mga islet sa Olango island.*
*Nasakpan sa akto ang tulo ka mga mananagat sakay sa ilang motorbanca ug nakit-an nga gilabay niini sa dagat ang patay nga pawikan.*
*Narecover sa mga suspek nga sila si Darami Radja, Barayan Alim ug Julius Asamsa ang improvised spear guns o pana, duha ka improvised fins ug duha ka face mask.*
*Ang patay nga pawikan giturn-over na sa Wild Life Bureau ng Dept, of Environment and Natural Resources DENR-7 samtang ang mga suspek pasakaan og kasong kalapasan sa Sec 27 sa Republic Act 9147 o Wildlife Resources Conservation and Protection Act.*
