General Santos City—Kasong pagpang-abuso ang pagaatubangon sa usa ka lolo kini human iyahang giabusohan ang 3 niini ka mga apong babaye.
Subay sa pamahayag sa Women and Children’s Protection Desk sa Polomolok Police Station sa South Cotabato sa pakighinabi sa RMN Gensan. Sa report sa maong buhatan nagpatabang ngadto kanila ang iyaan sa mga bata human masayran niini pinaagi sa inahan nga tua sa laing nasud nanarbaho ang nahitabo sa iyahang mga anak sa kamot sa ilahang apohan.
Human misumbong ngadto sa kapulisan dayong gikasa ang operasyon aron sa pagluwas sa mga bata sa panimalay sa lolo niini sa Polomolok South Cotabato. Didto naluwas ang 10 anyos, nga si Alyas Che Che, grade 6 pupil, igsuon niini nga si Alyas Rubi, 4 anyos, og 6 anyos nga si Alyas Marian nga puros mga babaye.
Sa pamahayag ni alyas Che Che nga sa panahon nga wala ang ilahang amahan nga usa ka electrician sa ilahang panimalay og ang ilahang lolo lamang ang mahibilin, didto na matud pa ginahilabtan sila sa manyakis nilang lolo. Dugang pa sa 10 anyos nga ginahimo sa ilahang manyakis nga lolo ngadto kanila ang ginapagunitan niini ang iyahang kinatawo og usahay ginahilabtan gyud siya sa iyang lolo apil ang iyang mga manghod.
Dugang pa sa 10 anyos nga bata nga makapila na kahigayon nga ginahimo sa manyakis nga lolo ang pagmolistiya ngadto kanila apan mahadlok lamang silang mosumbong sa ilahang amahan tungod sa bahad sa manyakis nga lolo nga sila patyon.
Apan sa pagsuta sa medico legal sa Polomolok didto nasayran nga positibong ginahilabtan sa manyakis nga lolo ang mga apo niini. Sa pagkakaron anaa na sa kamot sa iyahang mga iyaan ang 3 ka mga bata samtang karong adlawa mamahimo ng pasakaan og kasong pagmolestiya ang manyakis nga lolo. (Emir Bariquit)
