General Santos City–Malampusong nasikop sa Operatiba sa WCPD sa Police Station 4 ang tulo ka mga menor de edad nga adunay mga warrant of arrest sa kaso nga pagpangawat alas 7:00 ang takna sa buntag sa Purok Bayanihan, Barangay San Isidro ning syudad.
Ang mga nasangpit ang giila nga silang alyas Llyod, 16 anyos; alyas Butchoy, 17; ug usa ka alyas Jason, 17 anyus, nga samang nanimuyo sa Barangay San Isidro.
Nasikop ang mga nasangpit subay sa dahum sa warrant of arrest sa kaso nga Robbery With Force Upon Things nga gipakanaug ni Hon. Judge Jose Blanza Jr. sa RTC Branch 22, niadtong Nobyembre 9 ning kasamtangang tuig kung diin adunay girekomenda nga pyansa nga P18,000.00.
Gilayun man usab nga giturn-over sa Police Station 4 ang nasangpit nga mga suspect sa opisina sa City Social Welfare And Development Office aron nga makustudiya.(Dave Silagan)
