Report ni: Jennifer Debaja Palomo
Nakabalik na sa Pilipinas sang Miyerkules ang 3 ka pinay nga nangin biktima sang illegal recruiter sa Malaysia.
Nahibaluan nga gin recruit ang tatlo ka pinay sang ahente nga ginkilala kay REA CERVANTES.
Ginpangakuan ang mga ini nga mag ubra bilang waitress o food server sa isa ka KTV BAR sa Kota Kinabalo apang ginpilit sila nga mag perform sang indecent services sa ila mga kustomer.
Natigayon sila nga marescue sa bulig sang isa ka media nga ila ginkuntak gamit ang wala na confiscate nga cellphone sang isa sa mga ini . Gilayon nga ginrefer sa opisina ni senator Cynthia Villar ang ila kaso asta natigayon ang pagrescue.
Padayon pa ang pagpangita sa recruiter nga si REA CERVANTES agud mapasakaan sang kaso nga human trafficking.Naghatag man sang Livelihood Assistance ang senadora sa tatlo ka pinay.
Nagpanugyan si Senador Villar sa mga gusto mag abroad nga indi basta basta magpati sa mga job offers kag sa matam is nga tinaga sang mga recruiters o employment agency agud makalikaw sa kapahamakan.
Photos credit to Cynthia Villar fb account.
