3 ka Police sa Region 12 nga gi-dismiss tungod sa sabong nakasumite na sa ilang apila

44

General Santos City–Gikumpirma ni Police Lieutenant Colonel Lino Capillan ang tigpamaba sa Police Regional Office-12 nga tulo ka pulis ang gipakanaugan ug dismissal order gikan sa national human nga naaktuhan nga misulod sa sabungan.
Sumala pa ni Lt. Col. Capillan nga nag-apela matud pa ang tulo ka pulis sa alegasyon batok kanila ug mao kini ang ilang gipaabot kung unsa ang mahimong desisyon sa ilang apela.
Pamahayag sa opisyal nga dili niya mahinumduman ang mga pangalan sa tulo ka mga pulis ang iya lamang nahibaloan pulos kini mga Police Non Commission Officer nga ang duha gikan sa Sarangani ug ang usa gikan sa PRO 12.
Gipaklaro ni Capillan kon ugaling man ibasura ang apela sa tulo ka mga pulis siguradong matanggal sa trabaho gumikan kay gisuway nila ang executive order sa pangulo nga bawal sa mga pulis ang makiglambigit sa unsa mang illegal nga gimbuhaton gani sumala pa niini nga wala man usab nagkulang sa pagpahimangno si Regional Director Police Brigadier General Afred Corfus sa iyang mga ginsakpan.
Sa kasamtangan ang tulo ka mga pulis ang anaa pa sa ilang mga puwesto. (Reynald Timario)

Facebook Comments