Pagkasunog sa usa ka meat shop padayong giimbistigahan

General Santos City–Nagpadayon pa ang gihimong imbestigasyon sa Bureau Of Fire Protection-Gensan kalabutan sa nahitabong pagkasunog sa City Central Meat Shop nga anaa nahimutang sa South Osmena sakop sa Brgy. Dadiangas South ning syudad nga gipanag-iyahan ni ali atienza alas 2:02 sa kadlawon niadtong nakalabayng adlaw.

Pagbutyag ni SFO3 Allan Rey Emperio ang Chief Investigator sa BFP-Gensan nga ila pang ginasuta sa pagkakaron ang hinungdan sa sunog sa maong establisemento nga nagtala ug damyos nga mokabat sa 40,000 pesos

Saysay pa ni Emperio nga sa parte sa ceiling sa establisimento matud pa nagsugod ang kalayo nga gilayon man usab natabang sa mga pamatay sunog ug nadeklarang fire out alas 2:08 sa buntag.


Pagpaklaro sa opisyal nga una na silang nakadawat ug tawag sa ilang buhatan nga gilayon man usab nilang girespondehan ang lugar ug ilaha dayong napaundang ang kalayo. (Reynald Timario)

Facebook Comments