Compostela Valley – Padayon nga gitambalan ang tulo ka mga tao human nagbangga ang duha ka motorsiklo ala-1:00 ang takna sa kahaponon sa National Highway Purok 7 Barangay Tagnanan Mabini Compostela Valley.
Sumala sa report nga nahipos gikan sa Mabini Traffic Section, nasayran nga naglawig ang usa ka motorsiklo gkan sa syudad sa Mati ug gimaneho kini sa usa ka Rolando Pilapil, 50 anyos samtang backride niini sila Lodivina Pilapil, 49 anyos ug Razel Pilapil, 23 anyos nga taga Purok 6 Wao Pantukan.
Nasayran nga nagsunod ang laing motor nga gimaneho ni Hillsky Dela Cruz, 26 anyos residente sa Purok 7 Barangay Mampising lungsod sa Mabini.
Pag abot sa nahisgutang lugar kalit miliko padulong sa wala ang motorsiklo ni Dela Cruz hinungdan nabangga ang nagsunod nga motorsiklo ug miresulta sa pagkaangol sa mga sakay ni Pilapil.
Daling gidala ngadto sa balay tambalanan ang mga naangol ug gi kustodiya sa kapolisan.
RadyoMaN Jules Catisay
