BACOLOD CITY – Nagapanimuron karon sa karsel ang duha ka mga drug personality nga nadakpan sa buy bust operation nga ginpatigayon las 2:20 sini gid lamang nga kaagahon sa Purok Bolinao, Brgy. 1, Bacolod City.
Nadakpan sa akto nga nagabaligya sang shabu ang mga suspek nga sanday Jimmy Gabillo, 46 anyos ang edad, pumuluyo sang Purok Tangigue, Brgy. 1 kag ang conspirator sini nga si Adrian Dison, 21 anyos, pumuluyo sang Purok Lison sang amo man nga barangay.
Ang amo nga buy bust ginpangunahan sang Regional Drug Enforcement Unit pinaagi naman sa team leader sini nga si Police S/Insp. Kenneth Bermeo.
Suno kay Bermeo, nakuha sa paghinakup sang mga suspek ang 17 tanan ka elongated plastic sachet sang ginapatihan shabu kag 10 mil pesos nga marked money.
Kaso nga violation sang section 5 and 11 sang Republic Act 9165 ang iga-inquest gilayon sini nga adlaw batuk sa mga suspek./dyHB BACOLOD
