Sa interview sa DXDC RMN Davao kang PSMS Joconer Coronel, Traffic Investigator sa Carmen Municipal Police Station (MPS), dead on the arrival si Cedeño. Samtang angol sab ang driver ingon man ang 12 ka mga pasahero sa Elf Truck nga puros mga taga Toril, Davao City.
Sa imbestigasyon, mibuto ang ligid sa truck hinungdan nga nalagpot kini paingon sa pikas linya kung asa naglawig ang Bongo diin napagan sab ang usa ka motorsiklo.
“Ang Isuzu Elf Boom Truck, nabutohan og ligid sa likod. Pagkabuto, nag-swerve siya sa opposite lane whereas coming ang Bongo, mao tong nagkabanggaay sila. Naa pay isa ka motor nagsunod sa bongo, mag-live in partner nga naangol pud,” saysay pa ni Coronel.
Giklaro sa imbestigador nga wala nakatulog ang driver ug disgrasya lang gyud nga mikagar ang ilang sakyanan. Sa karon, nagpadayon ang imbestigasyon kalabot sa maong insidente.
Gani sumala pa sa netizens nga dili gyud malikayan ang disgrasya kay bisan unsang orasa, pwede kining mahitabo ug pinamaayong buhaton matud pa sa byahe, ang maghinay dala pag-ampo.
RadyoMaN Ivy Parido
