Tulo ka mga sundalo nga sakop sa 3rd Special Forces Battalion ang nakabsan sa kinabuhi human malambigit sa dogoon nga disgrasya sa nasudnong dalan sa Brgy. New Leyte, Prosperidad Agusan del Sur bandang alas 2 ang takna kagahapon.
Patay diha-diha dayon ang mga biktima nga sila si 2Lt. Mary Joy Salintes ug Cpl. Eldryn Mendoza samtang dead on arrival sa hospital si Cpl. Ardin Sompio ug usab padayon giatiman sa DO Plaza Memorial Hospital si 2Lt. Robert Cheng.
Sakay sa kolor puti nga Fortuner and mga biktima’ng sundalo sa dihang aksidenting nabanggaan nila ang kasugat nga kolor puti usab nga Hi Ace Van resulta sa dogoon ang aksidenti.
Sigun ni Lt. Col. Joey Baybayan, commanding officer sa 3rd Special Forces Battalion nga padulong ang tropa sa Engineering Battalion sa Patin-ay, Prosperidad Agusan del Sur aron motambong sa coordination meeting apan maoy nasugatan ang wala damha nga disgrasya.
Padayon pa’ng giimbistigahan sa Prosperidad Municipal Police Station ang aksidenti aron masayran kung kinsa ang sayup sa duha ka mga sakyanan. [image: sf vehicular.jpg]
