Napugus ang rebelding New Peoples’ Army (NPA) nga buhian ang tulo ka mga inosenting sibilyan nga gibihag sa grupo niadtong nakalabyang Mayo 30, 2019 gumikan sa subsub nga military operation.
Sa press release nga gipagawas sa 36th IB Phil. Army, gikabutyag nga bandang alas 8 ang takna sa buntag kagahapon gibuhian sa rebelding grupo ang mga bihag nga sila si Wendil Delicuna, Jeffrey Delicuna ug Angelo Duazo didto sa Brgy. Maitom, Tandag City, Surigao del Sur.
Gikompirma usab kini ni Punong Barangay Danilo Duazo, sa Brgy. Mampi, Lanuza, Surigao del Sur.
Kahibaloan nga gidagit sa mga NPA ang mga biktima didto sa boudanry sa Tandag city ug lungsod sa Lanuza, Surigao del Sur diin gihulagway ni LTC Xerxes Trinidad nga usa lang kadto ka matang sa pagpanghadlok sa NPA ngadto sa mga sibilyan.
Ang nagpabiling anaa sa kamot sa rebelding grupo mao si Ryard Badiang human wala kini maapil sa gibuhian.
Una nang giklaru usab ni Ka Sandara, spokesman sa NPA nga dili sibilyan ang gibihag sa ilang grupo kondili pulos kini mga sakop sa CAFGU.
Ang managsunod nga pahayag ni LTC Xerxes Trinidad sa 36th IB Phil. Army ug Ka Sandara sa NPA sa interview sa RMN DXBC Butuan.
[image: npa abduct.jpg]
